Mbrëmja në Ferma VIP ka nisur me tension, pas një deklarate të fortë nga Ermiona Lekbello, e cila vendosi të largohet nga gara.
Gjatë lidhjes live me moderatoren Arbana Osmani, ajo u shfaq e rënduar emocionalisht dhe konfirmoi se nuk mund të vazhdonte më qëndrimin në fermë.
“Nuk ndihem mirë këtu… nuk mund të vazhdoj më gjatë,” – u shpreh ajo, duke theksuar se klima mes fermerëve ishte bërë e papërballueshme.
Sipas saj, energjia negative dhe sjelljet e disa banorëve kanë ndikuar drejtpërdrejt në gjendjen e saj.
Arbana Osmani ndërhyri duke i kërkuar të reflektonte dhe të mos merrte një vendim të nxituar, por pavarësisht kësaj, Ermiona qëndroi në vendimin e saj.
Pas diskutimit, ajo konfirmoi largimin dhe doli nga gara, duke i dhënë fund rrugëtimit të saj në spektakël.
Ky moment ka ndezur reagime të shumta në rrjet, ndërsa ndjekësit vijojnë të komentojnë vendimin e saj dhe situatën brenda fermës.