Fansat e Big Brother VIP Kosova kanë vënë re një detaj interesant që ka ndezur menjëherë rrjetin dhe ka rikthyer në vëmendje raportin mes Elijonës dhe Klodit pas përfundimit të spektaklit.
Gjithçka ka nisur nga disa postime të fundit që dyshja kanë bërë në rrjetet sociale. Ndjekësit kanë analizuar me kujdes fotot e publikuara dhe kanë vënë re se ambienti në të cilin ndodhen duket identik.
Sipas tyre, mobiljet e kuzhinës, ndriçimi në tavan dhe struktura e dhomës duken të njëjta në të dy postimet, gjë që ka bërë shumë njerëz të besojnë se Elijona dhe Klodi mund të jenë në të njëjtën banesë.
Ky detaj ka ndezur menjëherë spekulimet se mes tyre mund të ketë nisur një lidhje jashtë shtëpisë së famshme, sidomos duke marrë parasysh historinë që ata patën gjatë reality show-t. Brenda shtëpisë, Elijona kishte shprehur hapur pëlqimin për Klodin, por ai e kishte refuzuar duke thënë se kishte një lidhje jashtë.
Megjithatë, situata ndryshoi pas finales. Në spektaklin “Post BBVK”, Klodi pranoi se edhe ai kishte pasur pëlqim për Elijonën gjatë lojës, por kishte vendosur të mos e pranonte atë në atë kohë.
Tani që të dy janë jashtë kamerave të reality-show-t, shumë fansa besojnë se dyshja mund të jenë duke kaluar kohë së bashku dhe ndoshta duke i dhënë një shans lidhjes që nisi si pëlqim brenda shtëpisë.
Megjithatë, deri në këtë moment as Elijona dhe as Klodi nuk kanë konfirmuar publikisht nëse mes tyre ka nisur një romancë.
Në rrjet ndërkohë vazhdojnë spekulimet, ndërsa ndjekësit po analizojnë çdo detaj të postimeve të tyre për të zbuluar të vërtetën.
