Sfida e mosreagimit në shtëpinë e Big Brother VIP Albania ka sjellë një tjetër moment të pazakontë dhe plot humor.
Këtë herë, në shtëpi ka hyrë një “bebe”, duke kërkuar qumësht dhe duke krijuar një situatë sa të çuditshme aq edhe komike për banorët.
Megjithatë, rregulli i sfidës është i qartë: për 48 orë, banorët nuk duhet të reagojnë, të flasin apo t’i japin rëndësi kujtdo që hyn në shtëpi.
Pavarësisht kësaj, situata është bërë mjaft e vështirë për ta, pasi shumë prej banorëve mezi kanë mbajtur të qeshurat, duke u përpjekur të mos thyejnë rregullin.
Momenti është bërë menjëherë viral në rrjetet sociale, ku ndjekësit po e cilësojnë si një nga situatat më gazmore të sfidës deri më tani.
Mbetet për t’u parë nëse ndonjëri prej banorëve do të dorëzohet dhe do të reagojë, apo nëse do ta përfundojnë me sukses këtë provë të vështirë.