Gjatë fundjavës që lamë pas, vëmendja e botës u përqendrua në përshkallëzimin e tensioneve mes Iranit dhe Izraelit, ku pamje dramatike të raketave që ndriçonin qiellin dhe godisnin objektiva strategjike u shpërndanë gjerësisht në mediat ndërkombëtare dhe rrjetet sociale.
Por ndërkohë që lufta në Lindjen e Mesme ka marrë përmasa alarmante, raportime të pazakonta kanë ardhur edhe nga Shqipëria.
“Joq Albania” njofton se ka marrë me dhjetëra mesazhe nga qytetarë në Tiranë, Elbasan, Lezhë dhe Shkodër, të cilët pretendojnë se gjatë orëve 03:00 – 04:00 të mëngjesit kanë parë objekte të ndritshme që përshkonin qiellin, të ngjashme me raketat e transmetuara në lajmet ndërkombëtare.
Pamje të dërguara nga qytetarët tregojnë ndriçime të çuditshme në horizont, të cilat nuk kanë marrë ende asnjë shpjegim zyrtar. Disa pretendojnë se mund të jenë meteoritë ose satelitë, ndërsa të tjerë nuk e përjashtojnë mundësinë e ndonjë eksperience ushtarake të zhvilluar në rajon.
Deri më tani, asnjë institucion shtetëror apo ushtarak nuk ka komentuar mbi këto raportime, duke e lënë situatën të mbuluar me mister dhe spekulime.
A ishin vetëm iluzione të ndikuara nga tensionet ndërkombëtare, një fenomen astronomik, apo diçka më shumë?
Pamjet po analizohen ndërkohë që pyetja mbetet e hapur:
Çfarë po ndodh vërtet në qiellin e Shqipërisë?