Marrëdhënia mes këngëtarit Gjesti dhe këngëtares Egli Tako ka tërhequr vëmendjen e publikut pas një shkëmbimi të veçantë në emisionin “Goca dhe Gra”.
Gjatë një interviste, Gjesti foli për raportin e tyre, duke e përshkruar si të ndërlikuar për shkak të angazhimeve të përditshme. Kur u pyet me cilën këngë do ta përshëndeste Eglin, ai zgjodhi “E shkuar e harruar”, duke shtuar me një buzëqeshje: “I kënaqur jam ditën kur t’kam njoft”.
Disa ditë më pas, Egli ishte e ftuar në të njëjtin emision, ku iu shfaq videoja e Gjestit. Me një qëndrim të qetë dhe të rezervuar, ajo iu përgjigj përmes muzikës, duke thënë: “Jemi dhe s’jemi, asgjë nuk kemi, jo jo”, duke lënë të kuptohet se marrëdhënia mes tyre është e pasigurt dhe ndoshta tashmë në një fazë të ftohur.
Ky shkëmbim përshëndetjesh muzikore ka ngjallur interes të madh në rrjetet sociale, ku fansat po spekulojnë për natyrën e marrëdhënies së tyre.