Çfarë nisi si një miqësi e fortë dhe bashkëpunim artistik pas “Big Brother VIP”, duket se tani ka përfunduar në një ndarje të ftohtë dhe të papritur mes Fifi dhe Egli Tako.
Dy këngët e përbashkëta, “Shuj Shuj” dhe “Ku je nis”, që u pritën mirë nga publiku, janë tashmë të fshira nga YouTube. Fansat u shprehën të befasuar, por ajo që pasoi ngriti edhe më shumë dyshime.
📱 Fshirje totale nga rrjetet sociale
Së fundmi, Fifi ka fshirë çdo postim me Eglin nga profili i saj në Instagram, përfshirë fotot nga koncertet, prapaskenat dhe promovimet e përbashkëta. E njëjta lëvizje është bërë edhe nga Egli, e cila ka larguar çdo gjurmë të lidhjes dhe projekteve me Fifin.
Ky veprim i dyanshëm duket si konfirmim indirekt i raportimeve që qarkullojnë prej ditësh: marrëdhënia e tyre është prishur për shkak të mosmarrëveshjes për ndarjen e fitimeve, ku burime për “Prive” thonë se Fifi kishte investuar vetë në videoklip, dhe kjo ka shkaktuar përplasje financiare që ka shkuar përtej profesionalizmit.
🧠 Çfarë po ndodh mes tyre?
Të dyja artistet kanë zgjedhur të heshtin publikisht, pa asnjë reagim apo shpjegim për ndjekësit, çka ka shtuar thashethemet se raporti nuk ka qenë aq i qëndrueshëm sa mendohej.
Për shumë fansa, gjithçka duket si fund i parashikueshëm, ndërsa për të tjerë, zhgënjimi është i thellë pasi kishin shpresuar për një bashkëpunim afatgjatë dhe më shumë këngë të suksesshme.
