Një moment i papritur gjatë spektaklit “Ferma VIP” ka shkaktuar reagime të shumta në rrjetet sociale.
Gjatë një bisede me një nga banorët, Arbana Osmani përdori një shprehje që u konsiderua e papërshtatshme nga një pjesë e publikut:
“ke marrë si pushka e jevgut”.
Kjo frazë është interpretuar si fyese dhe diskriminuese ndaj komunitetit rom, duke sjellë menjëherë kritika të forta online.
Pamjet nga momenti janë shpërndarë me shpejtësi në rrjetet sociale, ku shumë ndjekës kanë reaguar duke e dënuar përdorimin e një gjuhe të tillë në një program kaq të ndjekur.
Ndërkohë, disa të tjerë kanë argumentuar se shprehja përdoret shpesh në të folurën e përditshme, por kjo nuk e justifikon përdorimin e saj në ekran.
Debati vazhdon të jetë i ndezur, ndërsa mbetet për t’u parë nëse do të ketë një reagim apo sqarim publik nga moderatorja për këtë situatë.