Pas reagimeve të forta që shpërthyen në rrjet, momenti i diskutuar në Ferma VIP ku Vanesa u shfaq duke puthur vëllain e saj në buzë, është rikthyer sërish në vëmendje.
Këtë herë, ka qenë vetë ajo që ka vendosur të flasë hapur për këtë situatë, gjatë një bisede me fermerët e tjerë.
E pyetur për atë moment, Vanesa u shpreh se puthja nuk ishte një veprim i menduar për kamerat, por një mënyrë e natyrshme për të shprehur dashurinë ndaj vëllait të saj.
“Gjysmat e gjërave nuk i mbaj mend… di vetëm që e kam puthur, dhe e kam puthur siç e puth unë në buzë vëllain,” – u shpreh ajo.
Megjithatë, më pas ajo la të kuptohet se vetëm pasi kaloi emocioni i takimit, e kuptoi ndikimin që ky gjest mund të kishte në publik.
“…më vonë kam ndejtur dhe kam menduar…” – shtoi ajo, duke reflektuar për mënyrën se si u interpretua momenti.
Deklarata e saj ka ndezur sërish diskutimet online, ku ndjekësit vijojnë të jenë të ndarë mes atyre që e mbrojnë si një shprehje familjare dhe atyre që e kritikojnë si të papërshtatshme për ekran.