Ndërsa atmosfera festive ka pushtuar shtëpinë e Big Brother VIP Albania dhe Mateo me Brikenën po përgatiten për dasmën e tyre, një situatë e papritur po zhvillohet në prapaskenë.
Dy nga banorët, Miri dhe Rogerti, duket se kanë vendosur të mos e lënë këtë moment të kalojë pa një “lojë” nga ana e tyre, duke përgatitur diçka që mund të ndryshojë atmosferën e ceremonisë.
Sipas asaj që është parë brenda shtëpisë, ata po shkruajnë një letër që planifikojnë ta lexojnë gjatë momentit të kurorëzimit të çiftit.
Megjithatë, ndryshe nga sa pritet nga një urim dasme, kjo letër nuk përmban fjalë të ngrohta apo mbështetje për Mateon dhe Brikenën.
Përkundrazi, në përmbajtje ka tone ironike, nënvlerësuese dhe madje edhe ofendime të fshehura ndaj çiftit, çka mund të krijojë tension në një moment që duhet të jetë festiv.
Kjo “dredhi” pritet të shkaktojë reagime të forta, ndërsa mbetet për t’u parë se si do ta presin Mateo dhe Brikena këtë situatë dhe nëse ceremonia do të zhvillohet pa incidente.