Dasma e organizuar në Big Brother VIP Albania mes Mateos dhe Brikenës nuk ka kaluar pa tensione, përtej atmosferës festive që u krijua në shtëpi.
Një nga momentet që ka marrë vëmendje është pikërisht mungesa e Gimbos, e cila u komentua jo vetëm nga publiku, por edhe nga vetë banorët brenda shtëpisë.
Gjatë një bisede, Juela iu drejtua Selinës me tone provokuese, duke e pyetur pse Gimbo nuk ishte pjesë e dasmës dhe duke lënë të kuptohet se kjo mund të kishte një arsye më personale.
“Selin mos u mërzit… pse nuk erdhi Gimbo, Mateo e ftoi?”, ishte pyetja që ndezi situatën, duke krijuar një moment të sikletshëm mes tyre.
Në vijim, ajo shtoi edhe më shumë tension duke nënkuptuar se ndoshta Selina ishte e mërzitur pikërisht për faktin që Mateo nuk e kishte ftuar Gimbón në këtë event.
Kjo situatë është komentuar menjëherë në rrjet, ku fansat kanë lidhur edhe mungesën e Gimbos me angazhimet e tij jashtë, duke aluduar se ai mund të ketë pasur një koncert dhe për këtë arsye nuk ka mundur të marrë pjesë.
Momenti i provokimit nga Juela dhe reagimi i Selinës kanë shtuar edhe më shumë dinamikat në shtëpi, duke treguar se edhe në një natë feste, tensionet nuk mungojnë.