Pas momentit të kërcimit romantik dhe afrimitetit mes Mateos dhe Brikenës, situata në shtëpinë e “Big Brother VIP Albania 5” ka marrë një kthesë të papritur dhe të tensionuar.
Ajo që fillimisht u duk si një lojë provokimi gjatë mbrëmjes, sipas pamjeve që po qarkullojnë në rrjet, ka vijuar me një moment të diskutueshëm gjatë orëve të vona.
Sipas këtyre pamjeve, Mateo është afruar dhe e ka puthur Brikenën në buzë në një moment që ka ngjallur reagime dhe debate në publik për mënyrën si ndodhi situata.
Pas këtij episodi, Brikena është tërhequr dhe është mbyllur për disa orë në tualetin e shtëpisë, duke reflektuar dhe duke u përballur me një gjendje emocionale të rënduar.
Më pas, pasi është qetësuar, ajo ka zgjedhur të flasë drejtpërdrejt me Mateon, duke i bërë të qartë kufijtë e saj.
Gjatë bisedës, Brikena i ka kërkuar që situata të tilla të mos ndodhin me imponim, por vetëm kur ajo ta ndjejë vetë, duke theksuar rëndësinë e respektit dhe mirëkuptimit mes tyre.
Ky moment ka ndezur menjëherë rrjetet sociale, ku ndjekësit janë ndarë në mendime për atë që ndodhi mes dy banorëve, ndërsa pritet të shihet nëse kjo situatë do të trajtohet edhe në Prime nga produksioni i Big Brother VIP Albania.